Александр Бречалов: «Барлык мөмкинлекләрне кулланыйк»

Удмуртия Башлыгы Александр Бречалов Дәүләт Советының чираттагы сессиясендә республикада эшләр торышы турында еллык доклад белән чыгыш ясады. Бу чыгыштагы төп фикерләр:

 Махсус операциядә хезмәт итү­­челәрнең гаиләләре ихтыяҗ­­ларын минутында канәгать­лән­дерү мөһим. Аларның актуаль булган барлык сорауларын чишәргә булышырга.
 2023 ел Удмуртиядә Яшьләр елы дип игълан ителде.
 Удмуртиядә яшәүче 24 мең кеше алкоголь һәм наркомания буенча исәптә тора. Аларның һәр дүртенчесе – 18 яшьтән 35 яшькә кадәр. Бу – алдагы елларда без чишәргә тиешле проблема!
 Эшкуарларга ярдәм күрсә-те­лер­гә тиеш.
 Экспортка игътибар беренче урында булырга тиеш. Шанхай һәм Бәйсез дәүләтләр берлекләре илләре белән үзара хезмәттәшлекне көчәйтергә, Фарсы култыгы, Төньяк Африка һәм Көньяк-Көнчыгыш Азия илләре белән элемтәләр булдырырга кирәк.
«Лада-Ижевск» мәйданчы­гында e-Largus җитештерелә башлау белән бергә анда индустриаль парк та булдырылачак. Киләсе атнада яңа e-Lагgus прототибы тәкъдим ителәчәк.
Удмуртия сәнәгать предпри­ятиеләренә квалификацияле кадрлар кирәк. Ә бу, беренче чиратта, предприятиеләрнең, урта һәм югары уку йортларының уртак эше.
2023 елга максат – авыл хуҗа­лыгында хезмәт хакы мәсьә­ләсен тәртипкә салу. Җитештерү күләме арту хезмәт хакында чагылырга тиеш.
 Агымдагы ел нәтиҗәләре буенча республикага 850 мең турист җәлеп ителәчәк. 2023 ел планы – 1 миллион кеше.
 2023 елда Ижау аэро­пор­ты­ның яңа бинасын төзү эшләре башланачак. Ан­да халыкара терминал өчен урын булачак. Объектны 2024 елның мартында файдалануга тапшыру планлаштырыла.
 Торак-коммуналь хуҗалыгы өл­кәсендә җыелган проблемалар системалы чишелешләр таләп итә. Балезино, Завьялово, Воткинск районнары, Ижау һәм Можга шәһәр­ләрендә иң беренче чиратта коммуналь челтәр һәм җиһазлар алыштырылачак.
 Авылларны комплекслы үс­терү программасы кысаларында Кече Пурга районының Аксакшур авылында спорт мәйданчыклары булган яңа күпфункцияле үзәк ачылачак. Шарканда бассейн төзеләчәк. Кез районының Степаненки авылында – яңа мәдәният йорты.
 2023 елга Удмуртия Респуб-ли­касының юл фонды 10 млрд 200 млн сум тәшкил итәчәк. Бу акчаларга юлларны төзекләндерү белән беррәттән 5 күперне ремонтлау, 4 күпер корылмасын һәм Костино-Камбарка юлында реконструкцияләрне тәмамлау да керә.
 «Сәламәтлек саклау» милли про­ктын тормышка ашыру кыса­ла­рында 2023 елда Сарапулда поликлиника, Әсән совхоз-техникумы (Алнаш районы), Кварса (Воткинск районы), Каменное (Завьялово районы) авылларында, Норья (Кече Пурга районы) һәм Кигбай (Сарапул районы) авылларында 5 табиб­лык амбулаториясе төзеләчәк. Кизнер хастаханәсенең йогышлы авырулар бүлегендә, 9 сәламәтлек саклау учреждениесендә, махсус авыр медицина җиһазлары урнаштыру өчен, биналарны капиталь ремонтлау да планга кертелгән.