Өлкәннәрнең догасында булыйк!

1 октябрь – Өлкәннәр көне

Ижаудан Фәгыйлә Шәймәрданова оныклары белән

Өлкәннәрне зурлап, хөрмәт белән
Утыртыйк без һәрчак табынга.
Озын тормыш юлы узган алар,
Бирешмичә җилгә-давылга.

Чәчегезнең һәрбер көмешенә
Рәхмәт әйтеп, башны иябез.
Сез лаеклы хөрмәт ихтирамга,
Газизләрдән газиз, диябез.

Яшәгез сез, җирнең чәчәкләре,
Үрнәк-маяк булып яшьләргә.
Үгет-нәсыйхәт һәм киңәш биреп,
Киләчәккә олы эшләргә.

Кадерләрен һәм хәлләрен белеп,
Ярдәм итеп торыйк һәрвакыт.
Догасында булсак өлкәннәрнең,
Килеп торыр безгә гел бәхет!

Кәүсәрия Нуруллина.