«Үзенчәлекле кыз» — Диләрә

Статистикага караганда, жир шарында яшәүчеләрнең 2 %ы гына җирән чәчле. Шотландиядә андыйлар 13%, Ирландиядә 10% тәшкил итә. Финляндиядә җирәннәр берлеге булуы да мәгълүм. Удмуртия дә алардан калышмый — «Җирән фестиваль»дә булганнар моңа инана ала. Быел ул Ижауда 11нче тапкыр гөрләде. Бәйрәм бизәге — җирән төс.

табигать андый чәч­ләр бү­ләк итмәгән икән — фестивальдә катнашу өчен киемеңдә шундый төс булу да җитә. Син — “Җирән” фестивальнең үз кунагы. Быел фестивальдә катнашкан 54 кызның 10сы финалга узды. Арада иң яше — без­нең милләттәшебез Ди­ләрә Шәрипова. Ул: “Миңа “Җирән гүзәл” фестивалендә катнашырга сыйныф җитәкчем тәкъдим итте. Кызыксынып киттем, шартларына туры килә идем. Чәчем тумыштан җирән төстә. Удмурт­лар үзләрен Рос­сиядә иң җирән халык санаса да, алтын чәчлеләр башка халыкларда да очрый. Хәер, фестиваль милли-мәдәни дуслыкны ныгытучы чараларның берсе. Бәйгенең иҗади өлешендә кайсы телдә чыгыш ясауны оештыручылар катнашучыларның үз ирегенә куя. Ижау хакимиятенең Яшьләр эшләре буенча идарәсе белгече Юлия Жвакина: “Кызлар талантларын җыр, бию, нәфис сүз яки оригиналь жанрда ача. Без беркемгә дә чикләр куймыйбыз”, — ди.
Ә Диләрә Шәрипова татар һәм удмурт тел­ләрендә популяр булган “Эх, сез матур кызлар” җырын сайлаган. Ул башкару осталыгына “Асылъяр” ансамблендә өй­рәнә. “Асылъяр”ның иҗат төркеме кызлары-малайлары тамашачылар сыйфатында Диләрә өчен җан атарга килсәләр, сәх­нәдә аңа Артур Гайнетдинов бу­лышты. Диләрә “Үзен­чәлекле кыз” (“Мисс Ори­гинальность”) номи­нациясендә бүләкләнде.

Фәнзилә Салихова, Ижау шәһәре.