Сөй гомерне, сөй халыкны, сөй халыкның дөньясын!



Котлыйбыз


Баш бит - Яшьлек адымы - Җаваплы һөнәр
14.06.2017

Җаваплы һөнәр

1879 елның 12нче мартында Россия императоры Александр II Указы белән төрмә департаменты гамәлгә кертелгән, шуннан бирле җәзаларны үтәү бердәм системага салынган. Исем-атамасы алышынып, күп еллар узса да, ни үкенеч, җәмгыятьтә аңа карата ихтыяҗ әлегә бетми.
Җәзаларны үтәү системасында үзенчәлекле кон­тин­гент белән әхлакый, рухи, физик яктан үтә нык һәм югары әзерлекле кешеләр генә эшләргә тиеш, чөнки йомшак характерлылар анда эшли алмый. Бүген җинаять-башкарма системасында хезмәт шартлары, барлык хокук саклау органнарындагы кебек, гадиләрдән түгел һәм һәркемнең дә көченнән килми. Әлеге хезмәткә яшьләр алынамы?
Әлеге системага хезмәт­кә алынганчы бик күп тик­шерүләр үтәргә кирәк. Шу­ңа күрә яшьләрнең әлеге тикшерүләргә түземлекләре җитми. Аларның армия саф­ларыннан кайту белән акча эшлиселәре килә, ә биредә хезмәт хакы алганчы озак кына вакыт үтә. Вакытны сузуның сәбәбе дә (үзенчәлекле контингент бе­лән эшләү аркасында) — яшь­ләргә уйларга вакыт би­рү. Ә менә Артур Гыйльмановны бу сәбәпләр куркыт­маган. Армия сафларыннан кайту белән бирегә эшкә урнашкан.
Артур Ижауда туып-үскән. Бабасы Мөслим районыннан күчеп килеп, биредә төпләнгән, тормыш корган. Машина төзүчеләр техникумын тәмамлап, электр­чы-эретеп ябыштыручы һөнәрен алган. Армия сафларында хезмәт итеп кайт­кач, җәзаларны үтәү системасына хезмәт итәргә урнашкан. “Биредә дүрт ай хезмәт куям, өйрәнәм, ошый. Миңа армиядә командирым әлеге системага эшкә керергә киңәш бирде. Тормышта дөрес хезмәт юлы сайлаганмындыр дип уйлыйм”, — диде ул. Һөнәр сайлаганда үз алларына куйган максатны үтәүче әнә шундый яшьләр булуы сөендерә!
Хәзерге вакытта әлеге хезмәткә аерым таләпләр куела. Россия Хөкүмәте тарафыннан җинаять-баш­кар­ма системасын 2020 елга кадәр үстерү концепциясе расланды. Димәк, әлеге тармак җитди үзгәрешләр кичерәчәк, эш алымнары алышыначак.

Рәфилә Рәсүлева.