Сөй гомерне, сөй халыкны, сөй халыкның дөньясын!



Котлыйбыз


Баш бит - Хәбәрләр - Тиздән Сабантуйлар
24.05.2012

Тиздән Сабантуйлар

Тиздән Сабантуйлар

Сабантуйлар Татарстан авылларында 10-11 июнь көннәрендә, район үзәкләрендә, шул исәптән Әгерҗедә дә, 12 июньдә, Яр Чаллыда 16 июньдә, Казанда 23 июньдә үтәчәк. Быел Россиянең төрле почмакларында яшәүче милләттәшләребезне 30 июньдә Владивостокта узучы Федераль Сабантуй мәйданы үзенә җыячак.

Удмуртиядә яшәүче татарлар да милли бәйрәмебезне традиция буенча билгеләп үтәчәкләр. 2 июньдә Кияс районы Тауҗамал авылында, 16 июньдә Глазовта, 23 июньдә Сарапул, Воткинск, Камбарка, Можга шәһәрләрендә Сабантуй мәйданнары сезне көтә. Республика Сабан туе 30 июньдә Ижау шәһәренең Киров исемендәге ял паркында узачак. Һәр елдагыча бәйрәмне уздыруга Татарстан да үз өлешен кертәчәк. Быел Саба районы үзешчәннәре һәм һөнәри артистлары үз чыгышларын бәйрәмебезгә бүләк итәчәкләр.