П.И. Чайковскийга – һәйкәл

8 сентябрьдә бөек композитор Петр Ильич Чайковскийга һәйкәл ачылды.

Чуеннан эшләнгән һәйкәлнең авторы — рәссам, скульптор, Россия Рәссамнар берлеге әгъзасы, Удмуртия Республикасының атказанган сәнгать эшлеклесе Виктор Овчинников.
Урнаштыру өчен урын сайлаганда Үзәк мәйдан, Җиңү скверы, буа яр буе тәкъдим ителгән иде. Чайковскийның нәсел дәвамчысы Де­нис Фон Меккның: “Шәһәргә поезд белән килгәндә үк һәйкәлне күрергә мөмкинлек булачак”, — дигән сүзләре тимер юл вокзалы янындагы мәйданчыкта тукталырга этәргеч ясады. Чайковский һәйкәле янында ачык һавада концертлар һәм музыкаль кичәләр үткәрү өчен мәйданчык булачак.

Ә беренче зур концерт монда киләсе язда — композиторның туган көне уңаеннан булачак.